De Kommandantur
Uns KAZI‑Funke es noh enem ahle, pseudomilitärische Prinzip opjebaut. Se besteit us dänne folgende Posten:
Funkenkommandant
He es dä Chef vun d’r Funke. He plant de Optritt, de Reiseroute un hät immer dat eetzte un dat letzte Wood. Jedes zweitee Johr weed he vun all de Funke op dä Versammlung jewählt.
Funkenadjutant
He es dä Mann an d’r Sigg vum Kommandant – op un hinger d’r Bühn. Beim Optritt sorgt he am Aanfang för Ordnung en dr Reih un jitt dat komplett einsatzbereite Funkeheer dann an dä Kommandöres övver. Och he weed alle zwee Johr jewählt.
Spieß
Dä Spieß es dä Chef vun d’r Reih un weed och us dä Reih för zwee Johr jewählt. Beim Optritt es he dä wichtigste Ansprechpartner vum Adjutant, domet de Reih stonn bliev. Och he jehöt zum Orgateam vum Funkencorps.
Jede Kommandatur levt dovun, dat Organisation, Kommunikation un nit ze verjesse der Spaß met Hätz un Jeföhl jemaat wääde.
Der Kommandant Ingo Kuhn
Met Ingo Kuhn hät en ahl Bekannter us der Funkereih die Ihr övvernumme, de riesije Verantwortung vum Erbe vun Frank Sieben anzenemme. Ingo is zigg 1996 in dr Funke un wor vun Aanfang aan ne Kärl op den mer sisch verlosse kunnt. Hät wor vun 2008 bes 2014 Spieß vun dr Reih un hätt in dr Zigg net nor em Vürstand jesesse, sondern och de Küch für de Sitzungskarneval övvernumme. 2014 wood hä dann zom Adju jewählt und dat bis April 2023 jemaht. Mit dem Amp hät hä och immer mieh Vernatwortung övvernomme, su dat dat nor normal es, dat de Funke ihn dann och met dis Herausforderung usjestattet han. Hä wor ad schun 10 Johr im Vürstand - zigg däm kumme noh e paar Jöhrcher dozo, denn der Kommandöres is en jeborenes Metjleed im Vürstand!
Dat Funkecorps "Rut-Wiess" hätt en neue Kommandöres
Et hät sich jet jedon!
Vill Minschekünne drövver schwaade, ävver uns Funkenkommandöres Frank Sibbe deiht och, wat hä säht. No drissisch Johr ließ hä sisch nit mieh zom Kommandöres nohwähle, sundern hät dem Geschmölzger de Aufjabe jejovve, sisch met enem neue Team opzestelle.
De Funkeversammlung im April 2023 hät sich entscheede:
Met Ingo Kuhn (en dr Mitte vum Beldcher) hät en ahl Bekannter Verantwortung övernumme. Ingo is zigg 1996 in dr Funke un wor vun Aanfang aan ne Kärl op den mer sisch verlosse kunnt. Zesamme mäht hä dat met Hansi Kos (links): Dä is zigg 2002 bei de Funke un bekannt für singe Humor un doför, dat hä wunnerbar koche kann. Zigg Johre schun is hä de Chefkoch vum Funke-Biwak un hät sing Saach richtisch joot jemaat. Bei de Funke wohr e paar Jöhrche schun Tanzoffezeer und es donoh zoröck in der Reih jejange. Aff dis Session is hä dem Kommandöres singe rächte Hand un sumit der neue Adjutant der Kazi Funken. Dritter Mann in dr Reih is: Helmut Meyer (rächts) is zigg 2017 in dr Funkereih. Dr immer joot jelaunte Spassvugel is einer, dä nit nor suffe, sundern och arbigge kann. Dr Hilf wo hä kann, dr süht, wat ze dun is. Dr Spieß is jo immer dä, dr för de Reih spreche deiht. Un jenau dat is jetz ad sing Job.
Dr Vürstand wönscht dem neue Trifolium unsrer Funke alles Joode, emmer e jlöcklisch Händsche und sumit vür allem Erfolg un vill Spass!
Dr iwige Kommandant
Danke Frank!
Dat kannste Der eijentlisch nit vürstelle. Do kütt einer aan un övvernemp dat Funkenkommandöres-Amp und lösst dat dann övver drissisch Johr nit mieh loss! Sibbe, aach, nüng Johr - hät et all schun jejowwe, ävver drissisch Johr? Dat joov et noh nieh un et is och schwer sisch vürzestelle, dat dat ad widder einer schaff!
He wor unumstritte dr jrößte aller kleinen Funkenkommandante us däm janze Rheinland. Un es hä och jet koot jerode, su hät hä en Riesenhätz und dr längste Zigg för unsmaloocht. Un net allein för de Funke, sundern och för de gesamte Verein.
Frank Sieben wor zigg 1986 em Vürstand, hät do als zweite Vürsitzender bejonne. 2009 bi 2013 wor hä sujar dr Vürsitzende vum Jesamtverein. Aff 2013 wor hä dann widder Vizevürsitzender.
In singer Aat janz höösch, in singer Führung immer en Strateje, wor hä dr Kopp und dat Muhl vun unserm Funkencorps zigg 1993. Dat Frank ävver net nor dem KAZI an sech vill Freud jemaaht hät, sundern och söns sisch öm dr Fasteleer in Luhme bemöht hät, süht mer och daraan, dat hä 2005 met dr Lühmere Muhr unzjezeischnet wode es.
De Zigg es jekumme, su hät hä dem Vürstand im März verklickert, dat mr aan dr Spitz ne Verjüngung bruche. Och dat es ein Zeische vun Jröße - ze wisse, man man ophüüre well un net muss!
Schön, dat do dem Verein un dem Vürstand noh wigger zor Sigg steihst un ne hätzlische Dank för Ding Aat und Verdienste. Ohn Disch wör der KAZI nit dat, wat mer hügg kennt und wat mer so lieben!