Noh dr Session is vür dr Session – KAZI Lohmar kütt widder!
Et jeiht widder loss! Kaum sin de letzte Tön verklunge, stonn mer beim KAZI schon mitten en de Vorbereitunge för dat, wat kütt. Un dat weed widder e janz besonners Johr: met vill Hätz, vill Aarbeid un vill Jlöcksmomente för all die, die met uns Fastelovend levve.
Uns Termine för 2026/2027 sin jet för’s Ooge — un se zeije, wat mer all zosamme stemme künne, wenn Tradition, Leidenschaft un e starke Jemeinschaft zesamme kumme.
Ov Funkenbiwak, Prunksitzung, Herrensitzung, Seniorensitzung, Kölsche Mess oder Funkenwach: Jede Veranstaltung es e Stöck KAZI, e Stück Luhme e Stöck Heimat.
Mir freue uns op alls, wat kütt — un op üch all!
KAZI "Rut-Wiess" Luhme – Fastelovend met Hätz un Jeföhl.
Mer nemme och Kaatewönsch per Mail an info@kazi-lohmar.de und telefonisch über 02246 50 11 an. Mr freue uns op Üch!
Loort Üch nur ens öm, et jit vill ze entdecke!
Auch Gästen von fern und nah, zufällig gelandeten Internet-Verirrten, ehemaligen Mitgliedern sowie interessierten Künstlern (für unsere Veranstaltungen) bietet diese Seite einiges an Information und Unterhaltung. Um unserer rheinischen Mundart zu entgehen, haben wir Euch einen Button oben rechts eingebaut, der Übersetzungen liefert.
Mir sin e löstijes Clübche, dä wo sich um en weklich änstes Thema drom am kümmere es: Brauchtumspflege! Un wie et sich för ene Brauchtumsverein am Rhing gehot, kümmeren mer uns in eetzte Linie öm dr rheinische Karneval, ech kölnisch. Un jenau doröm sinn mer de andere Karnevals-Vereine he in Luhmer och net als Konkurrenz, sundern als Vielfalt. Un am leevste als Fründe. Dat kann och jän so blieve!
Op unsrer Sigg fingste alles, wat de wisse wells. Un villeich och noh mieh. Do lerns uns "Abteilunge" kenne: Fünkche, Funke, Rut-Wiess Maries und de Senatore. Die drei Abteilunge sin jede för sich för ene Afschnitt im Levve do, in dene man Karneval fiere kann: Pänz, Erwaaßene und "erfahrene Karnevalisten". Bei uns kannste liere, wie Karneval gefiert weed, wie man dat aktiv erlevve kann und wie man andere daran jet Freud schenke kann.
Evver och ne Övverblick övver all de Termine sull övevr de Sigg klappe. Mer han uns extra jejen ene Njusletta entschiede, weil mer uns jedach han, dat mer nit immer alles mündchesmoß und vürjekaut präsenteere müsse, sundern einfach nur en Portal han müsse, övver dat man sich bediene kann. Also: Prost zesamme!
Do kanns jän kretesiere oder Vürschläje maache, wat mer noch besser mache künne - Do kannst ävver och einfach mal sachen: Hatt Ehr jot jemat. In Neukölsch heiß dat dann Fiehtbäck.
Karnevalistenzirkel KAZI Lohmar e.V. von 1948
