...schön, dat Do he vürbei gekumme bes!

Isch möch mich kot vürstelle: Isch bin Thorsten Kaempf un ich ben zigg 2017 dr Sprecher vun unsere KAZI Senatore. Ich bin ne Senator zigg 2011. Bevür isch Sprecher der Senatoren wood, wor ich schun Beisitzer im KAZI Vürstand. Un dat evvens isch us Hesse kumme un de Sproch hier nor ens liere muss. ;-) Ävver mer han he och joode Övversätzer!

 

Isch bin dorch un dorch dr Meinung, dat en Verein wie dr KAZI nevven all de Jungs und Mädels, de he arbigge und tüchtich sin, och noch jung jeblivvene Jungs nüdig hät, de usser ze helfe och noch jet deefer in de Täsch greife künne. Zig 2006 han mer su en Geschmölzge, met dem mer unsere KAZI noch e Stück erfolgreicher maache wulle.

 

Du bes interesseet? Du häs Luss em Karneval dobei ze sin ohne derek danze ze müsse? Do bes löstich, genügsom un vun hätzlicher Aat? Dann bes do bei uns jenau richtich. Denn mir sin e Hoofe, die sich op dr Fahn geschrivve han, de rheinische Fasteleer zu ungerstötze un de Minsche he in Luhmer et Levve e klein bissge löstiger ze maache. Sorje han mer all, ävver man muss nit dran ersuffe!

Wenn Do su reschtech interesseet bes, dann nimm einfach Kontakt up. Rof mich unger 02246 909679 aan oder schriev mir ne Mail.

Ühr
Thorsten Kaempf
Sprecher der Senatoren