Dr Senat vun dr Karnevalsjesellschaff Karnevalistenzirkel „KAZI“ mit Funkencorps „ Rut-Wiess“ Lohmar e.V. von 1948 wod 2004 ins Levve geroofe. Am Anfang wor da en Idee unsrem leeven Ihremitjlied Werner Knorre, dä hügg leider nit mieh unger uns is. Mer han sing Vürschlach anjenumme un us singem "Senatorenclub" ne echte Abteilung im KAZI jemaht.

Dr Senat is hüggzedach en fester Stein im Vereinsjebäude. Hä hät sech zol Zeel jesetz, dat karnevalistische, rheinische Brauchtum und dobei insbesondere de finanzielle und ideelle Förderung der uniformierten Tanzcorps des KAZI zu ungerstötze. Un dobei verfolgt man evens de Zeele und Zwecke vum KAZI als Jesamtverein.

Jeder Jeck in unsrer Runde is öndtliches Mitjleed im KAZI, e paar vun uns sin och noch im Tanzcorps, Elferrot oder och im Vürstand ungerwäss. Im Jejensatz zo all de normale MItjleeder jeven mer einfach e bessje mieh als die andere. Evver dat gevve mer vun Hätze.

Mer treffe uns zweimol em Mont zom Stammdesch. Natürlich och usserhalv der jecke Zigg. Zum Stammdesch simmer immer all jeck drop, einfach nur mal ze schwade und löstich ze sin. Ävver manchesmol welle mer och mol jet debattiere. Natürlich och üvver unseren Verein, schließlich leiht uns vill an dem singe Schicksol.

Wenn dann endlich de Session nöhr röck, machen mer immer ne jemötliche Ovend (Senatsabend) för die mir och ens jet engagiere oder einfach ens jet usprobeere. Jenau wie op der Senatsweihnachtsfeier weed och de Sessions-Eröffnungsfeier met uns Fraue gefiert. Man kütt zwar nor als Mann eren, ävver man kütt met der Holden op die Feierlichkeite.

Et es für jeden Senatoren kloor, dat de weklische Ungerstötzung für uns KAZI dorin besteiht, dat mehr mit Fründe zu de Sitzunge jon, dat mer op der Seniorensitzung kräftisch helfe und dat mer an Rusemondach am Zochwech jet ze süffele und e bessge wat ze foddere parat maache. Zigg Johre schun stommer am Rothuus un sorge nevven Proviant och noch für ne Zochmoderation.

Wi Du sühst is et uns wichtich, nit einfach nor jet Moneten in dr Ring zo kloppe, sondern am KAZI wigger mitzebaue. Un su lange mer noch fit sin, su lang simmeroch mit dobei!

...un wat maache de su för dat Geschmölzge?

Mer wisse ad lang, dat alles immer dürer weed und mer sich fass nüs mieh koofe kann. Uns Prunksitzung un och de Häresitzung sin äver zigg Johre schun völlig stabil in däm wat de doför zahle muss. Ein Grund doför es und bliev uns Senatore, die immer schon jet deefer in de Täsch gegriffe han, um Üch und uns jet Jodes ze dun. Nor mal su unger uns: Dat vör e paar Jöhrche de Band Räuber bei uns uffschlage kunnte und dann de Jabachhall in karnevalistische Rausch versetzen kunnte - DAT wor en Geschenk vun uns Senatore.

Mer danke Üch immer wigger. Mat uns kräftig un sid selver och jet stolz drüvver!