Wat maache mir su, wenn mer maache, wat mer su mache:

Mir han ad letzt dem KAZI singe Kronjuwelen beschenk: Mer deiten jet dozo, damit de Pänz vu uns Kinderfünkchen op Tour jon kunnte. Die han dat jenötz un sin op zum Klettere jefahre in su ene Kletterpark. Fö sujet jevve mir jän.

Uns Funke, also die nit mieh janz so junge Senior-Fünkche hatte Gebodsdaach und da hammer jet dobei jedon, domit die op dr Jeboodsdaachs-Funkewach jet fiere kunnte.

Mer helfe och immer widder, wenn et doröm jeiht anzepacke. Denn et is wie et is - do kanns nie jenog han, die Der helfe und och wenn mir chun jet ältdere sin, mir sin in eetste Reih janz vürren och erfahre. Dat deit immer jot. Su maache mer dann och de Kellner-Crew, wenn uns erfahrene Karnevalisten op dr Seniorensitzung am fiere sin.

Immer widder süht mer uns am Rusemondaach. Denn do mache mir de Usschank am Zochweech nun ad lang, zigg 10 Johr und dat maache mer och jän noch jet länger!

Mer sin immer do, wenn dr Verein jet bruche kann, wat he sich nit ohne Weitres leisten kann. Un so fööhle mer uns joot. Denn mer wedde gebruch. Un dat deit jot.

Senatore ...en Jemeinschaff de nit nor im Fasteleer op Äkschn mäht.

Mer maache schun zig Johre immer och jet in dä usserkarnevalistische Zigg. Ov et en Türche op dem Drohtessele oder op dem Schuster singe Rappe is, bei uns wed sich immer och e bessge bewäht. Manchol maache mer och Türche in annere Regione. Papenburg wor uns ens en Reis wät. Ävver och noh Mainz simmer mal getrocke, weil man uns gesaht hät, die wöde och Karneval fiere. Don se ävver nit. De fiere Fasching. Dat es wie Karneval nur met vill mieh Änst!

2015 hatte mer sujar en Uslansinsatz un wore in Maastricht inklusiv ener Porsche-Cup-Sonderführung för uns. För uns Türche sin dä Norbert Bois, der Harry Lueg und der Dr. Hannes Bolten de Spezies. Doför wulle mer he och ens "Danke" sage.

De Senatore sin e Männergrüppche mit rejemäßigem Treffen. Aver op dr Sitzunge und vür allem in unsrer Freizeitjestaltung simmer su off et jeiht met unsre Frau ungerwäss.

Maach doch met. Loss Dich nich lumpe und söck Der en Platz in unsrer Reih.