Jetz och KAZI för de Mädcher us Luhme

Zigg Johre schun wor et klor, bes Do en Mädche un övver 16 Johr, dann es Ding Zigg im KAZI vürbei. "Dat war schon immer esu!" wor dat Arjumeng vör vill zig Johr. Ävver unjefähr immer widder kome Eldere und Pänz op dr jeweilije Vürstand zo un han gefrog, ov mer net jet för de Maries maache künne, domet de wigger im KAZI blieve künne.

Wä als Jung ze Alt för de Fünkche es, dr kann en de Funke jon, ävver als Marie wor dann Schluss in unsrem Verein - ovsüns Do e Tanzmarie vum Funkeoffezeer sin künnst. Ävver dovun jov je ne lang Zigg nor eins und enzwesche zwei. Ävver wat sind dat zwei för su vill, de jon möhte?

Schun fröher wood drövver debatteet, ov mer daran wat ändere sullt. Dis Johr fingk alls domet aan, dat uns op unsrem 75- Jeboodsdaach plötzlich 8 junge Mädels en Överraschungs-Auftritt jeschenk han. Die han sech en rut und wieß anjedon, als wören se uns eijen Grupp und danzte för de Lück. Un dat kom joot aan. Noh dr Session han se de Vürstand dann gefrogt, ov se net immer för uns danze künnte. Dr Vürstand hat dann lang üvverlaht un dann jemeinsam usgedrage, dat Thema mit der Metjleederversammlung ze diskuteere.

Do han dann övver 75% doför gestemp. dat mer beim KAZI en "Seniorentanzcorps für Damen" jründe.

Un so sid Ehr jetz he op der Sigg vun uns neu Abteilung:

De KAZI Rut-Wiess Maries