En Rut-Wiess-Marie verzällt

Ejal, wat och passeet, am Engk dun mer danze!

Us enem "Wat jitt dat, wenn et feddisch es!?" wood Weeklischkeit un mer dörfe uns neu jejründetes Seniorentanzcorps präsenteere:

Zom 75. Jeboodsdaach vum KAZI en dr letzte Session hatte sich en Häufge Mädcher zesamme jedon und en Danz usjedaach, dä mieh als wie ene Jeschenk wor - hä wor USdruck vun Ideen, Motivcation, Spaa un Ihrjeiz. Do wore Wochen vun Training anjesaat, dr Danz wood usjefeilt, jet zom anzedun usjesöök un all dat orjaniseert, ohn dat einer vun dem Club jet jewoss hät. mDenn dat all sullt en Övverraschung sin - un dat wor et dann och.

An dem Ovend wore KAzi-Mitglieder un Fründe do un di deiten all applaudiere, als mer met unsrem Danz am Engk wore. Rinjekumme sin mer met dem Leed vun de Domstürmer „Du bist meine Liebe, meine Stadt und mein Verein“. Domet saate mer vun Anbejinn, woröm et uns jeiht:Dat es uns VErein un et deit noh immer wieh, nit mieh mit dem Joker op dem Jewand op de Bühn ze dörfe!

Dat mer em JEspräch wore, han mer dann jemekr, als mer zor Funkewach injeloode wurde, öm do ze danze. Domols hat ich do ming schlemmste Momang - als ich us der Kinderfünkche un somet ud dem VErein ming Avscheed bekom. JEtz wor et mer klor. Isch well och noh der Session für ,ming Draum kämpfe.

Mer sproche dr Vürstand an und frochte, ov mer sich dat net vürstelle kann. Ja jo dat, et jit joode Formatione in der Nöh, ävver et es halt keine vum KAZI, mingem Verein. Der Vürstand hat uns dann jesaat, dat se dat prima finge un mer eets mol hösch wigger maache dörfe. Ävver dann wood et kristisch: et moot op dr Metglieder-Versammlung un do musstense de Satzung ändere. Wat hatte mer Angs, wat hatte mer Sorge - äv zom Schluss es et Jot jejange. Mer dürfe dozo jehüre.

Met voller Wucht sin mer dann in et Training injestiege - uch, wenn mer am Anfang nor 5 Lück wore die vun de 12 geblieve wore. Ävver 5, die et weeklisch äänz meine. De eine Danz vum Jubiläum stund jo schun, jetz maate mer uns an ene Showdanz. Den künne schun hügg zeige und de hätt uns Senatore schon ens ödnlisch Spass jemaat! Ävver dat wo nor der Aanfang, jetzt weed et äänz un löstisch zeglich

Un jetz zo Dir: Komm auch Du mit dazu, wenn Rut und Wiess Ding Färv sin!

---

Text es von uns Marieke Riesop, fröher Kinderfünkche und Prinzessin im eetste Kinder-Dreigesteen vun  Luhme.