Mer wullte nit, ävver mer moote! Zwei neu Marieche un ene Danzoffezer us däm Hötche jezaubert!

Tanzspocht is hügg nit mieh nor de Verhohnepieplung vun allem Möchtejähnmilitarismus, nit mieh irjend jet herömspaziere op dr Bühn, nä, dat es akrobatisches Künne un vill Luss an der Freud. Vürreweg möten uns Tanzmarieche un dem sing Danzoffizier dat levve und och zeije künne. 

Zigg 2019 han mer neu Danzpärche. Zum eine hatte mer Ingo Gottschalk als "ahle Offz" behaale künne - dat es jot,d enn dä is och Träner vum Geschmölzge. Zom annere han mer de "neue ahle" Offz David Wiehl jewinne künne zoröck ze kumme. Su han mer do schun enns zwei echte Luhmere Ströppche.

Ehr künnt Üch eech freue wenn de zwei Pärche in Fahrt kumme. Et mäht einfach Spass, wi di zesamme harmonere. Dem David singe Marie, Evelyn Krause, es en echt "Eijenjewäß" vum KAZI. Anjefange in de KAZI-Kinderfünkche hät se Ehre Wäch in de Rejion un widder zoröck gefunge. Däm Ingo singe MArie is dat Schramms Sabrina, di in der Rejion et Danze geliert hät - un wie, die is ech en Tanzraket!

Mer Stelle Üch vür:

links op dem Bild: Evelyn Krause + David Wiehl

räächs op dem Bild: Sabrina Schramm + Ingo Gottschalk

Beetse Bildche sin vum Winterscheids Kai us dem Johr 2021, un woode in dr sagenhaften Corona-Session 2020/21 aktualiseert.

Ohne se wöre mer nor de Hälfte wät, mit inne simmer dat Dubbelte!

Et es wie et is un et kütt wie et kütt. Mer han se leider nimmer all op dr Reih. Dis Joar hammer vun uns Marieche und vun unsre Danzoffezeer dat furchbar Sätzge jehürt: "Do, mer hüre op!" David, Sabrina und Carina, et wor schön met Üch un et is ad wirklisch schad, dat Ehr jeiht.

 

Mir wore stolz und glöcklich övver uns Tanzpärche vun de letzte Jöhrche!