Der Kommandant
He wulle mer Der un Üch ene vun de jrößte aller kleinen Funkenkommandante vürstelle, wo dä KAZI jemols jehat hat: hä es met Secherheit net der längste, ävver für unsern Verein und alle Abteilunge övverhaup net fottzedenke.
Frank Sieben
in singer Aat janz höösch, in singer Führung immer en Strateje. He is der Kopp und dat Muhl vun unserm Funkencorps un dat schun zig 1993. Esu ne lang Zigg janz vürren an der Spitz dat hät et zuvor och net jejovve. Wie ene echte Führungsoffizier denk und lenk hä de Jeschicke und weed dat hoffentlich noch lange Zigg dun.
Wä jän derek met em verzälle well, der versöökt dat am beste op unsrer "Funken-Hotline": 02246 50 11.
Un he dä Rest vum Fest
Wat wör unser Kommandöres ohne sing rächte und linke Hängk?
Frank Siebenhät met Adjutant Ingo Kuhn (zigg 2014) un däm Spieß Borg Ibe (zigg 2021) zwei Lück an dr Hand, met denne man wat öndiches anstelle kann. Su künne de zwei für ihn en reih an Saache mache, di ansünst dä Chef noh selver hät mache müsse.
Zigg Johre is et de Saach vum Adju, am Karnevals-Sundach de Funkenwach im katholischen Pfarrheim zu orjanisiere und ne schön Projramm ze bastele. Dat hät dr Ingo als Spieß schun vum ahle Adju Marcus Riesop geliehrt un ad lang övvernomme un als Adju perfektjoniert.
Dä Spieß is der Mannschaff singe Chef, also für alle usser de Offiziere. He is nüdig för de Trupp zesammezehahle, loort ov all rechtech anjedun sin, mäht Stimmung in dr Bud und weiß immer, wann hä wat ze singer Mannschaff ze sage hät. Quasi der Käptn.