De Kommandantur

Et hät sich wat jedon!

Dat Funkecorps "Rut-Wiess" hätt en neue Kommandöres

Vill Minschekünne drövver schwaade, ävver uns Funkenkommandöres Frank Sibbe deiht och, wat hä säht. No drissisch Johr ließ hä sisch  nit mieh zom Kommandöres nohwähle, sundern hät dem Geschmölzger de Aufjabe jejovve, sisch met enem neue Team opzestelle.

Su welle mer Üch vürstelle, wat de Funke sisch in der letzte Funkeversammlung usjesöök han:

Met Ingo Kuhn (en dr Mitte vum Beldcher) hät en ahl Bekannter us der Funkereih die Ihr övvernumme, de riesije Verantwortung ze övvernemme dat Erbe vun Frank Sieben anzenemme. Ingo is zigg 1996 in dr Funke un wor vun Aanfang aan ne Kärl op den mer sisch verlosse kunnt. Hät wor vun 2008 bes 2014 Spieß vun dr Reih un hätt in dr Zigg net nor em Vürstand jesesse, sondern och de Küch für de Sitzungskarneval övvernumme. 2014 wood hä dann zom Adju jewählt und dat bis dis Johr jemaht. Mit dem Amp hät hä och immer mieh Vernatwortung övvernomme, su dat dat nor normal es, dat de Funke ihn nun och met dies Herausforderung usjestattet han. Hä wor ad schun 10 Johr im Vürstand ad jetz kumme noh e paar Jöhrcher dozo, denn der Kommandöres is en jeborenes Metjleed im Vürstand!

Hansi Kos (links) is zigg 2002 bei de Funke. Dr Hansi is bekannt für singe Humor un doför, dat hä jot anpacke kann. Zigg Johre schun is hä de Chefkoch vum Funke-Biwak un mäht dis Saach richtisch joot zesamme met Ingo Kuhn. Inzwesche han mer ehn och schon för de Setzungskösch engagiere künne. Bei de Funke wohr e paar Jöhrche schun Tanzoffezeer und es donoh zoröck in der Reih jejange. Aff dis Session is hä  dem Kommandöres singe rächte Hand un sumit der neue Adjutant der Kazi Funken.

Helmut Meyer (rächts) is zigg 2017 in dr Funkereih. Dr immer joot jelaunte Spassvugel is einer, dä nit nor suffe kann, sundern och anpacke kann. Dr Hilf wo hä kann, dr süht, wat ze dun is. Dr Spieß is jo immer dä, dr för de Reih spreche deiht. Un jenau dat is jetz ad sing Job. Borg Ibe, dä bislang Spieß wor, hätt jään wigger jemaht, ävver dies Johr einfach ze vill an dr Backe. Mer saage Danke schön, Jung, dat häste joot jemaaht!

Dr Vürstand wönscht dem neue Trifolium unsrer Funke alles Joode, emmer e jlöcklisch Händsche und sumit vür allem Erfolg un vill Spass!

Dr iwige Kommandant

Danke Frank!

Dat kannste Der eijentlisch nit vürstelle. Do kütt einer aan un övvernemp dat Funkenkommandöres-Amp und lösst dat dann övver drissisch Johr nit mieh loss! Sibbe, aach, nüng Johr - hät et all schun jejowwe, ävver drissisch Johr? Dat joov et noh nieh un et is och schwer sisch vürzestelle, dat dat ad widder einer schaff!

He wor unumstritte dr jrößte aller kleinen Funkenkommandante us däm janze Rheinland. Un es hä och jet koot jerode, su hät hä en Riesenhätz und dr längste Zigg för unsmaloocht. Un net allein för de Funke, sundern och för de gesamte Verein. 

Frank Sieben wor zigg 1986 em Vürstand, hät do als zweite Vürsitzender bejonne. 2009 bi 2013 wor hä sujar dr Vürsitzende vum Jesamtverein. Aff 2013 wor hä dann widder Vizevürsitzender.

In singer Aat janz höösch, in singer Führung immer en Strateje, wor hä dr Kopp und dat Muhl vun unserm Funkencorps zigg 1993. Dat Frank ävver net nor dem KAZI an sech vill Freud jemaaht hät, sundern och söns sisch öm dr Fasteleer in Luhme bemöht hät, süht mer och daraan, dat hä 2005 met dr Lühmere Muhr unzjezeischnet wode es.

De Zigg es jekumme, su hät hä dem Vürstand im März verklickert, dat mr aan dr Spitz ne Verjüngung bruche. Och dat es ein Zeische vun Jröße - ze wisse, man man ophüüre well un net muss!

Schön, dat do dem Verein un dem Vürstand noh wigger zor Sigg steihst un ne hätzlische Dank för Ding Aat und Verdienste. Ohn Disch wör der KAZI nit dat, wat mer hügg kennt und wat mer so lieben!