Denn et suld hat nit nor jesoffe wädde...

Nüngzehnhundertvierunfuffzich han sich im Karnevalisten-Zirkel die KAZI-Funke in dr Klör rut un wiess jejründet. Dat staatse Tanzcorps wod domols unger dä Kommandatur vum Kanns Fred gegründet. Kot dodrop hät der Verein singe Nome jeändert un su heiße mer ad immer noh: KArnevalistenzirkel KAZI Lohmar mit Funkencorps "Rut-Wiess" e.V. vun 1948.

Zigg dem Daach han sich de Funke in Luhmer mieh un mieh erenjedanz. De staatse Funkenröck un de knackigjunge Kääle wore schun domols en Droum. De Dänz sin uns eijen Aat, dat französische und preußische Militär jet ze foppe und erinnere zom Deil an dat Exzerzier-Jedöns vubn denne. Bei uns danze zodem noh en Marie met singem Offizier. Manch ener meint, dat mer dovun etzt de Scharme und Elejanz bekumme han, nun jot. da sehemer anders, ävevr dat is wohl normal su.

Inzwesche sin uns Funke vill op Tour un jän jesinn, wenn se im karneval ömhertrecke. Mer wore schun in München, Berlin, Kassel, Papaneburg un sujar in Fulda un övverall han mer uns Kuns jezeich. Natürlemang han mer och Optritte em hillije Kölle und die sin immer wat janz besunderes. Im Johr 2002 is et uns sujar jelunge, ob ener Häresitzung in Köln-Höhenberg met dem echte kölsche Dreijesteen zesamme op de Bühn ze jon. Dat wor e Jeföhl für uns Jungs. Su jet is jet för de Iwichkeit!

Wer em Lävve Erfolg han well, dä moss och Leistung bringe...

...dat hät unser Trüppche schun off ens jezeich un su künne mer met ner Reih vun Uszeichnunge jlänze. Un dat och nit eets zigg diesem Jorhundert: bei enem internationale  Tanzturnier in Bonn hätt 1959 uns Marieche Hilde Schmitz ene fantastische zweite Plaatz gemaht. Un unser Tanzcorps wor am Schluss dann op dem fünfte Platz. Zig Johre schun sin mir met dr Funke bei de NRW-Meisterschaften dobei. 1998 wor et dann su wigg: wir mahte de eetste Platz, damals mit unserem Tanzpaar Sylvia Firelingsdorf (hügg Jansen) un Sven Kuhn (hügg Klose). Un dann heiß et "aff jeiht de Poss": 2000, 2002, 2003, 2007, 2008, 2009 und och 2013 han mer de Pokal gehollt. 2007, 2008, 2009 und och 2013 han mer den NRW-Pokal met der Deustchen Meisterschaff em Jardetanz dann verjoldet. Dat is jet - do müsse mer och met levve - dat nempp Der keiner mieh fott.

Ävver nevven all dem Erfolch iset noh vill wichtijer, wat mer övver all de Johr geschaff han. Uns KAZI-Funke han immer widder ne saubere Generationswäßel hinjekräht. Un su sin mer zu ener echten Instanz jewodde in Luhmer. Nit vun unjefähr is et dazo jekumme, dat mer Funke zig beinoh 20 Johr de närrische Herrscher als ene Aat "Prinzengarde" durch de Session brenge. Su han sech secher och e paar Fründshcfate erjevve, krüz und quer durch annere Vereine, sujar de nichtkarnevalistische. Un dat es en doll Saach, wer sich kennt der hilf sich och.

Zur Zigg is unser Erfolch un unser Zesammehalt janz sicher zu nem jruße Anteil der langjährigen Kommandatur vun unserem Funeknkommandanten Frank Sieben ze verdanke. Dä is met Hugg un Hoor dabei, zig Johrzehnte im Vürstand aktiv und nit zoletz zig 1993 Kommandöres vun dem Trüppche jewese!

Zigg dis Johr is Ingo Kuhn dr Funken-Kommandöres. Wenn Do mieh wisse wills övver uns, röf doch ens an: 0160 970 33 705

Du bes sportlich, teamfähig und föhlst Dich op dr Bühn wohl? Dann werde auch Du Funke!