Irjendswann han mer dann ävver ne neue Plaatz gesöök un met dem Fründ vun unserem Marieche Denise dann och ene Ädmin gefunge, dä de Sigg dann övver 10 Johr betreut hät. Dä Henning Neuse hät dat wunderbar verwaltet - ävver dem Vürstand wor dat schun ad lang "jet vill verwaltet, jet wenig jestaltet".
Mer han et versöök, dat met Mitglieder und Fründe ze maache, alles neu und schön un su. Ävver janz ihrlich - dat wor einfach ze vill für et Ihreamp. Mer han dann gesöök un in der Nohbarschaff zu Luhmer dann IllusionFactory gefunge. Dem singe Chef, dä Schneiders Martin, dä hät uns dann berote und hät uns schlussendlich ene Anjebot jemaht, wat mer nit mieh han aflenne wulle.
Un ä paar Stündche späder, e paar Dach Pflege - schwuppdiwupp: He is se, unsre neue Homepäitsch! Mehr wünsche vill Spaß und hoffe, dat Du alles finge kanns, wonach de jesöck häs. Wenn nit, dann kontaktiere uns!