Mer sin e löstije Houfe und han Spass an dem, wat mer maache. Et is en Freud und Ihr för de Lückcher in de Säle ze danze und Stimmung ze maache. Mir sin e Häredanzcorps met Danzpärche. Ever net nor eins, sundern derek zwei dovun. Mer han rechtech vill ze don in der Session un so isset och wichtich, jenoch Funke ze han, so dat de Dänz de janze Zigg lang funktzeneere.
Wenn Do Luss und Spass häst und jetz schon su e bessge interesseet bes, dann loss Dich einfach mol blicke: Mer trainiere Donnerstags öm 19:30 in der Turnhall vun dr Jrundschull in Luhmer. Meld Dich kot vürher bei usnerem Kommandanten, Frank Sieben unger der Rofnummer 02246 5011. Dä kann Der sage, wat för Ding eetztes Mol bruchst. Un dä kann och entscheide, ov Du en "Echtzigg-Praktikum" maache darfs. Dann darfste schun mitkumme, zoloore und wenn de äch joot bes, darfste sujar in Dinger eetsten Session schun mitdanze!
